काठमाडौं । आन्तरिक हवाई सेवा बैशाख ३ गतेसम्म बन्द हुने भएका छन् । कोरोनाभाइरसको संक्रमणलाई ध्यानमा राखेर नेपालका आन्तरिक हवाई सेवा पनि बैशाख ३ गतेसम्म बन्द हुने भएका हुन् ।
नेपाल नागरिक उड्डयन प्राधिकरणले आन्तरिक वायुसेवा कम्पनीलाई वैशाख ३ गतेसम्म नियमित हवाई सेवा बन्द हुने जानकारी दिएको छ । यसअघि बाह्य उठान बैशाख ३ गतेसम्मलाई बन्द गरिएका थिए । प्राधिकरणको परिपत्रअनुसार अब आन्तरिक उडान पनि सोही मितिसम्म बन्द हुने भएका छन् ।
कोभिड– १९ रोकथाम तथा नियन्त्रण उच्चस्तरीय समन्वय समितिको बैठकले गरेका निर्णयअनुसार नै बन्द गरिएको बताइएको छ । प्राधिकरणले मंगलबार सबै वायुसेवा कम्पनीहरुलाई परिपत्र पठाइएको छ ।
चैत्र २५ गतेसम्म लकडाउन नै रहने र त्यो बाँकी अवधिमा पनि हवाई सेवा संचालन नगर्ने समितिले निर्णय गरेको छ । यो अवधिमा आकस्मिक अवस्थामा चार्टर्ड फ्लाइट, मेडिकल फ्लाइट, एयर एम्बुलेन्स तथा आकस्मिक अन्य उडान मात्रै हुने प्राधिकरणले जनाएको छ ।
तर, निर्णय सार्वजनिक गर्ने क्रममा भनिएको थियो, ‘हवाई उडानका सन्दर्भलाई अहिले जुन व्यवस्था छ, सोही अनुसार १५ अप्रिलसम्म स्थगित गर्ने निर्णय भएको छ ।’ त्यसबेला राष्ट्रिय वा अन्तर्रा्ष्ट्रिय खुलाइएको थिएन ।
