काठमाडौं । वीर अस्पतालमा दुईजनाको मृत्यु भएको छ । निमोनियको बिरामी युवतीलाई आइतबार अस्पताल भर्ना गरिएको थियो ।

अस्तापलको आईसीयूमा भर्ना गरिएकी युवतीलाई निमोनिय भएको बताइएको छ । आजै अस्पतालमा पुर्याइएका एक अर्का युवाको पनि मृत्यु भएको छ । उनलाई बेहोस अवस्थामा पुर्याइएको अस्पताल स्रोतले बताएको छ ।

परिचय नखुलाइएकी ती युवती काठमाडौँको चन्द्रागिरी नगारपालिकाबाट अस्पताल ल्याइएको बताइएको छ । उनलाई ज्वरो र निमोनिय भएको थियो ।

त्यसैगरी अर्का युवा केही दिन पहिले भारतबाट नेपाल फर्केका थिए । भारतमा कोरोनाको आतंक फैलिएसँगै उनी नेपाल फर्केका थिए । उनी कालिमाटीमा बस्दै आएको बताइएको छ । भारतबाट फर्केको १४ दिन नपुगेको अस्पतालले बताएको छ ।

कोरोना संक्रमण भएको आशंकामा दुबै जनालाई कोरोना संक्रमण भए नभएको परीक्षण गर्न नमूना संकलन गरेर टेकुस्थित प्रयोगशाला पठाइएको छ ।