काठमाडौँ । कोरोनाभाइरस संक्रमणबाट पहिलो पटक एकजना नेपालीको मृत्यु भएको छ । अमेरिकामा बस्दै आएका एक नेपालीको पहिलो पटक मृत्यु भएको हो ।
पाँचथरका अनिल सुब्बाको सोमबार न्यूयोर्कमा अस्पतालमा उपचारकै क्रममा मृत्यु भएको हो । ५० वर्षीय अनिल श्रीमती, एक छोरा र दुई छोरीसहित उनी अमेरिकामा बस्दै आएका थिए ।
अमेरिका, बेलायत, यूएई, अष्ट्रेलियमा रहेका नेपालीमा कोरोना संक्रमण भएपनि अनिलको पहिलो पटक मृत्यु भएको छ । नेपालमा पनि संक्रमण देखिएको छ तर अहिलेसम्म मृत्यु भएको पुष्टी भएको छैन ।
मंगलबार चितवनस्थित कोरोना विशेष अस्पतालमा एकजनाको मृत्यु भएको छ तर उनको के कारणले मृत्यु भएको पुष्टी हुन सकेको छैन । उनको रिपोर्ट आउन बाँकी छ ।