काठमाडौं । तीन बालबालिकामा कोरोनाभाइरसको आशंका गरिएको छ । उनीहरुलाई आईसोलेसनमा राखेर उपचार थालिएको छ । उनीहरुलाई कान्ति बाल अस्पतालको आइसोलेसन वर्डमा भर्ना गरिएको छ ।

अस्ताल स्रोतका अनुसार आइतबार एकजना र सोमबार दुई बालबालिकामा कोरोनाको आशंकामा अस्पताल पुर्याइएको थियो ।
अस्पतालका निर्देशक डा. कृष्ण पौडेलका अनुसार कोरोनाको आशंकामा आइतबार भर्ना भएका १४ वर्षीय बालक र सोमबार भर्ना भएका बालकहरु साढे चारचार वर्षका छन् ।

तीनै जनाको आइसोलेसनमा राखेर उपचार भइरेको छ । ती बालकका अभिभावक कोरोना प्रभावित देशबाट स्वदेश फर्किएका थिए । घर फर्केको १४ दिन नपुगेकोले बालबालिकालाई कोरोना संक्रमण भएको आशंका गरिएको हो ।

आइतबार आइसोलेसनमा भर्ना भएका बालकका बाबु दुबइबाट फर्किएका र सोमबार भर्ना भएका एक बालका काका चीनबाट र एक बालका बाबु कतारबाट फर्किएको बताइएको छ ।

त्यसपछि उनीहरुमा कोरोनाका लक्षणसँग मिल्दोजुल्दो लक्षण देखिएको बताइएको छ ।