काठमाडौँ । आजबाट संसदको दिउँदे अधिवेशन सुरु हुने भएको छ । अधिवेशनको पहिलो दिन राष्ट्रपति विद्यादेवी भण्डारीले पठाएको संसद आह्वान सम्बन्धी पत्र पढेर सुनाइने भएको छ ।
आज अधिवेशन सुरु भएपनि एक हप्ताको लागि स्थगित गरिने भएको छ । सभामुखविहीन अधिवेशन उपसभामुखको अध्यक्षतामा बस्नेछ ।
शुक्रबार बसेको कार्यव्यवस्था परामर्श समितिले आगामी पुस ११ गते सभामुखको निर्वाचन गर्ने तय गरेको छ । संसद सचिवालयका अनुसार पुस ११ दिनको १ बजे अर्को बैठक बस्ने र सोही दिन सभामुख चयन प्रकृया सुरु गर्ने गरी सहमति भएकोले जनाएको छ ।
पुस ११ गतेसम्म (नेकपा)ले सभामुखको उम्मेद्वारका लागि सहमति खोज्ने छ । यसअघि प्रमुख राजनीतिक दलका शिर्ष नेताहरुबीच संसद अधिवेसन र सभामुख चयन प्रकृयाबारे छलफल भएको थियो ।
- फाइल फोटो
