News Portal

  • ट्रम्पको दावी, आफूविरुद्ध महाअभियोग नलाग्ने

    ३४२ पटक

    काठमाडौं । अमेरिकी राष्ट्रपति डोनाल्ड टम्पले आफूविरुद्ध महाअभियोग नलाग्ने दावी गरेका छन् ।

    अमेरिकी संसदमा राष्ट्रपति ट्रम्पविरुद्ध महाअभियोग लगाउने वा नलगाउने भन्ने बारेमा सार्वजनिक सुनुवाई भइरहेका बेला यस्तो धारणा उनले सार्वजनिक गरेका हुन् ।

    एक अन्तरवार्तामा राष्ट्रपति टम्पले आफूमाथि लगाइएका आरोपमा सत्यता नभएको दावी गरेका छन् । उनले युक्रेनलाई आफ्ना राजनीतिक प्रतिद्वन्दीमाथि छानविन गर्न दवाव दिइएको भन्ने आरोपमा सत्यता नभएको दोर्हायाए ।

    जो वाइडेनविरुद्ध छानविनका लागि उनले युक्रेनमाथि दवाव दिएको भन्दै संसदको तल्लो सदनले महाअभियागका लागि प्रमाण जुटाउन सार्वजनिक सुनुवाइ गरिरहेको छ । यसअघि युक्रेनका लागि अमेरिकी राजदुत मेरी यावानिचले आफूमाथि अनावश्यक आरोपलगाएको प्रतिक्रिया दिएका छन् ।

    उनले राजदुत यावानिचले राम्रो काम नगरेकाले फिर्ता बोलाइएकोसमेत दावी गरेका छन् । छानविनका लागि संसदीय समितिले विभिन्न व्यक्तिहरुसँग छलफल गरिरहेको छ । राष्ट्रपति ट्रम्पमाथि युक्रेनका राष्ट्रपति बोल्डामिर जेलेन्स्कीसँग पटक पटक टेलिफोन संवाद भएको आरोप छ ।

    जसमा आफ्ना समकक्षी पूर्व अमेरिकी उपराष्ट्रपति जो बिडेन र उनका छोरा हन्टरमाथि अनुसन्धान गर्न दवाव दिएको बताइएको छ ।

    प्रतिकृया दिनुहोस्