ललितपुर । ललितपुर बार एशोसिएशनमा नयाँ कार्यसमितिको लागि चुनाव भइरहेको छ । शनिबार अर्थात आज भइरहेको चुनावमा क्रान्तिकारी, प्रगतिशील र लोकतान्त्रिक कानून व्यवसायी समूहरु मैदानमा उत्रेका छन् । ७ सय १० मतदाता रहेको ललितपुर शाखामा क्रान्तिकारी,प्रगतिशील कानून व्यवसायी संगठनको तर्फबाट अधिवक्ता राजु अधिकारी चुनावी प्रतिस्पर्धामा उत्रेका छन् । सो संगठनमा अधिवक्ता त्रय चुडाबहादुर निरौला‘दिवश’ कान्तिराम ढुङ्गाना र चिरञ्जिवी ढकाल पार्सदमा निर्विरोध चुनिएका छन् ।
त्यसैगरी सत्तासिन (नेकपा) निकट गणतान्त्रिक, प्रगतिशील, पेशागत तथा समावेशी कानून व्यवशायीको तर्फबाट अधिवक्ता अर्जुन महर्जनको नेतृत्वमा चुनावी मैदानमा उत्रेको छ ।
नेपाली काँग्रेस निकट लोकतान्त्रिक कानून व्यवसायीहरु अधिवक्ता प्रल्हाद कुमार महतको नेतृत्वमा प्रतिस्पर्धामा उत्रेका छन् । विहानैबाट सुरु भएको मतदान प्रक्रिया बेलुका चार बजेसम्म चल्लने बताइएको छ । सत्तासिन प्रगतिशील समूहको प्यानलमा नवोदित युवा कानून व्यवसायी बिरेन्द्र खड्का र नविन केसीसहित अटाएको समावेसी प्यानल रहेको सो समूहले दावी गरेको छ ।
