बनेपा । काभ्रेपलाञ्चोकको नमोबुद्ध नगरपालिका-८ तल्लो हटियामा घरभित्र हत्या गरिएको अवस्थामा भेटिएका श्रेष्ठ दम्पतीका हत्यारा अझै पत्ता लागेको छैन ।
गत कात्र्तिक १८ गते राति सो ठाउँका श्रेष्ठ दम्पतीको लुटेरा समूहले हत्या गरेको हुन सक्ने प्रहरीले जनाएको थियो । घटनाकाबारेमा अनुसन्धान भइरहेको भए पनि अझै पत्ता नलागेको जिल्ला प्रहरी कार्यालयका प्रमुख प्रहरी उपरीक्षक जयराज सापकोटाले बताए ।
प्रहरीले घटनामा संलग्न रहेको आशङ्कामा अहिलेसम्ममा २१ लाई नियन्त्रणमा लिएर अनुसन्धान गसिसकेको र थप अनुसन्धानको काम जारी रहेकोे जनाएको छ । उनका अनुसार अहिलेसम्ममा २ पटक केन्द्रीय अनुसन्धान ब्यूरोको टोली घटनास्थल पुगेर अनुसन्धान गरिसकेको छ ।
सो ठाउँका ५५ वर्षका श्यामकृष्ण श्रेष्ठ र अन्दाजी ५० वर्षिय रुकुमाया श्रेष्ठको घरभित्रै शव भेटिएको थियो ।
