काठमाडौं । जर्मनी लगातार १३ औं पटक युरोकप फुटबलका लागि छनोट भएको छ ।
गएराति भएको खेलमा बेलारुसलाई ४-० ले हराउँदै जर्मनी अर्को वर्ष हुने युरोकपका लागि छानिएको हो । समूहको अर्को खेलमा नर्दन आयरल्याण्डसँग गोलरहित बराबरी खेल्दै नदेरल्याण्ड्स पनि युरोकप फुटबलका लागि छानिएको छ ।
गएरातिका खेलहरुपछि समूह ‘सी’ मा ७ खेलबाट जर्मनीले १८ अंक जोड्यो भने नेदरल्याण्ड्सले १६ अंक बटुल्यो । १३ अंक जोडेको नर्दन आयरल्याण्ड तेस्रो स्थानमा रहेको छ ।
उता समूह ‘ई’ को खेलमा स्लोभाकियालाई ३-१ ले हराउँदै क्रोएसिया फाइनल चरणका लागि छानियो । यही समूहको अर्को खेलमा वेल्सले अजरबैजानलाई २-० ले हरायो ।
समूह ‘जी’ को खेलमा उत्तरी मेसेडोनियालाई २-१ ले हराउँदै अष्ट्रिया पनि युरोपकका लागि छानियो । यसअघि नै युरोकपमा छानिएको पोल्याण्डले गएराति इजरेललाई २-१ ले हराउँदा बेल्जीयमले रुसलाई ४-१ ले तथा स्कटल्याण्डले साइप्रसलाई २–१ ले पराजित गरे ।
