News Portal

  • खोरमा बाँधेका ७ वटा बाख्राको घाटी काटिए

    २८८ पटक

    काठमाडौं । भोजपुरको पूर्वी अरुण गाउँपालिकास्थित जरायोटारमा केही व्यक्तिले सोमबार राति ३ जना कृषको खोरमा बाँधिराखेका बाख्राका घाटी काटिदिएका छन् ।

    अरुण गाउँपालिका वडा नं. ६ जरायोटारको खर्काउनेमा रणबहादुर विश्वकर्माको एउटा, बाबुराम विश्वकर्माको ३ वटा, भरत विश्वकर्माका ३ वटासहित ७ वटा बाख्रा अज्ञात समूहले काटेर मारिदिएको छ ।

    खोरमा बाँधिएका बाख्रा काटेर मारिदिएपछि त्यहाँका स्थानीयबासी त्रसित भएका छन् । बाख्रा काटिएपछि नेपाल कम्युनिष्ट पार्टी अरुण गाउँपालिका कमिटीले बुधबार विज्ञप्ति नै निकालेर दोषीको पहिचान गरी कारवाही गर्न माग गरेको छ ।

    खर्काउनेमा ३ जना किसानका घरमा बाख्रा काट्ने त्यही समूहले जरायोटारको केन्द्र पाल्पालेस्थित केही पसलमा तोडफोड गरेको पनि स्थानीय टीकाराम बराइलीले बताएका छन् ।

    खोरमा बाँधिएका बाख्रा काटेर मारिएको र पसल तोडफोडको घटनापछि प्रहरी चौकी जरायोटारको टोलीले अनुसन्धान अघि बढाएको छ । यो घटनामा संलग्न भएको आशंकामा प्रहरीले २ जनालाई पक्राउ गरेको छ ।

    प्रतिकृया दिनुहोस्