News Portal

  • आज विश्वकै सबैभन्दा पुरानो क्रिकेट क्लब मेरिलेबोन नेपाल आउँदै

    २६० पटक

    काठमाडौं । विश्वकै सबैभन्दा पुरानो क्रिकेट क्लब मेरिलेबोन क्रिकेट क्लब (एमसीसी) को टिम आज नेपाल आउँदै छ ।

    नेपालविरुद्ध सिरिज खेल्न एमसीसी काठमाडौं आउन लागेको हो । एमसीसीले काठमाडौ र पोखरामा गरि ६ वटा खेल खेल्ने नेपाली राष्ट्रिय क्रिकेट टिमले जानकारी दिएको छ ।

    एक साता नेपालमा रहने टिमले राष्ट्रिय टिमसँग टी-ट्वान्टी, एक दिवसीय र फस्ट क्लास क्रिकेट खेल्नेछ । एमसीसीसँगको खेलका लागि नेपालले कप्तान ज्ञानेन्द्र मल्लको नेतृत्वमा टिम घोषणा गरेको छ ।

    एमसीसी र नेपालको राष्ट्रिय टिम मिश्रित टिमले एक टी-ट्वान्टी खेल्नेछ । एमसीसीको टिमले यू-१९ टिमसँग एकदिवसीय र पोखरामा स्थानीय क्लबसँग दुई खेल खेल्नेछ ।

    एमसीसीका अधिकांश खेलाडी इंग्ल्याण्डको यू १९ टिमबाट खेलिसकेका छन् । एमसीसीले गत वर्षको साउनमा लिगेसी टुरको घोषणा गरेको थियो । यसअघि एमसीसीले सन् २०१५ मा नेपाल भ्रमण गरेको छ । नेपाल पनि एमसीसीको भ्रमण गरिसकेको छ ।

    प्रतिकृया दिनुहोस्