News Portal

  • जुवा खेल्दै गरेका कांग्रेस सभापतिसहित ८ जना पक्राउ

    ४३६ पटक

    उदयपुर । नेपाली कांग्रेसका जिल्ला सभापतिसहित ८ जना तास खालबाट पक्राउ परेका छन् ।

    उनीहरु जुवा खेल्दै गरेको अवस्थामा गाईघाटस्थित एनआईसी बैंक रहेको घरबाट पक्राउ परेका हुन् ।

    पक्राउ पर्नेमा नेपाली कांग्रेस क्षेत्रिय सभापति त्रियुगा नगरपालिका-११ का बसन्त बस्नेत, सुमन्त कोईराला, दुर्गा श्रेष्ठ, किरण पाण्डे रहेका छन् । त्रियुगा नगरपालिका-१० बोक्सेका भबिन्द्र खत्री, त्रियुगा नगरपालिका-११ का यलराम भन्ने लुमुनिराम कार्की, बालकृष्ण कार्की र राजु राउत रहेका छन् ।

    पक्राउ परेकामध्ये सभापति बस्नेत गत स्थानीय निर्वाचनमा त्रियुगा नगरपालिकाका लागि नेपाली कांग्रेसको तर्फबाट मेयरको उम्मेदवार हुन् भने कोईराला त्रियुगा वडा नम्बर-११ का लागि नेपाली कांग्रेसकै तर्फबाट वडा अध्यक्षका उम्मेद्वार हुन् ।

    पक्राउ परेका लुमुनिराम कार्की एनआईसी बैक गाईघाट शाखाका प्रमुख हुन् । उनीहरुलाई आइतबार साँझ पक्राउ गरिएको उदयपुर प्रहरीले जनाएको छ । एसपी बुढामगरका अनुसार पक्राउ पर्नेहरुको साथबाट १ लाख ८० हजार ७ सय २० रुपैयाँ नगद र ३ बुक तास बरामद गरिएको छ ।

    उनीहरुलाई जिल्ला प्रहरी कार्यालय उदयपुरको हिरासतमा राखी अनुसन्धान शुरु गरिएको प्रहरीले जनाएको छ ।

    प्रतिकृया दिनुहोस्