News Portal

  • साढे ५ वर्षदेखि फरार अभियुक्त पक्राउ

    २७७ पटक

    काठमाडौं । जिल्ला अदालत पर्साले ६ वर्ष कैद र १० हजार जरिवाना तोकेका फरार अभियुक्तलाई प्रहरीले पक्राउ गरेको छ ।

    जिल्ला अदालत पर्साले ५ वर्ष ५ महिना ११ दिन अगाडि कसुरदार ठहर गरी कैद र जरिवाना तोकेका कसुरदारलाई प्रहरीले पक्राउ गरेको हो ।

    उनी ५ वर्ष ५ महिना ११ दिनदेखि नै प्रहरीलको फरार सूचीमा थिए । पक्राउ पर्ने व्यक्ति पर्साको वीरगन्ज महानगरपालिका २३ का ३६ वर्षिय सोनालाल प्रसाद कुशवाहा रहेको जिल्ला प्रहरी कार्यालय पर्साले जनाएको छ ।

    वीरगन्ज १३ राधेमाई चोकमा निर्वाध हिडडुल गरिरहेको समयमा वडा प्रहरी कार्यालय श्रीपुरको टोलीले कसुरदार कुशवाहालाई बुधबार राति नियन्त्रणमा लिएको हो ।

    फरार कुशवाहलाई लागुऔषध खैरो हिरोइन मुद्दामा दोषी ठहर गर्दै पर्सा जिल्ला अदालतले २०७१ साल बैशाख ४ गते कैद र जरिवाना तोकेको थियो । बिहीबार नै पर्सा जिल्ला अदालतमा बुझाई प्रक्रियागत कारवाही अगाडि बढाइने प्रहरीले जनाएको छ ।

    प्रतिकृया दिनुहोस्