अनलाइन डबली
काठमाडौं । नागरिक उन्मुक्ति पार्टीका संरक्षक रेशमलाल चौधरी रिहा भएका छन् ।
फैसला कायान्वयनको लागि भन्दै सर्वोच्च अदालतका शाखा अधिकृतले पठाएको पक्राउ पत्र नै नक्कली भएको पुष्टि भएसँगै चौधरी रिहा भएका हुन् ।
राष्ट्रपतिले दिएका आममाफी विरुद्धको रिट निवेदन विचाराधीन अवस्थामा रहेकोले भएपनि सर्वोच्च अदालतका शाखा अधिकृत महिमान सिंह विष्टलाई पक्राउ गरिएको छ । विष्टलाई अहिले भद्रकाली स्थित जिल्ला प्रहरी परिसरमा राखिएको बताइएको छ ।
पक्राउ परेका विष्टले प्रहरीसँग टिकापुर घटनामा मरेका मान्छेहरूको आत्माले पोलेकाले पत्र लेखेको बयान दिएका छन् ।
यसैबीच नागरिक उन्मुक्तिका नेताहरुले पार्टी एकता विथोल्न सरकारले नै षड्यन्त्र गरेको बताएका छन् । केही दिन पहिले नै पार्टी एकता रोक्न सरकारबाटै धम्की आइरहेको नेताहरुले बताएका छन् ।
‘पार्टी एकता रोक्न धम्की आइरहेको थियो, मधेसी र थारुबीच एकता हुन नदिन सरकारको नेतृत्वकर्ता एमालेकै नेताहरु लाग्नुभएको थियो । त्यो पूरा नभएपछि सर्वोच्चका कर्मचारीलाई पत्र लेख्न लगाइयो’ एक नेताले भने ।
