अनलाइन डबली
काठमाडौं । रेशम चौधरीलाई पक्राउ गर्नु भन्दै सर्वोच्च अदालतले फैसला कार्यान्वयनको लागि भनि पठाइएको पत्रमाथि नै प्रश्न उठेको छ । सर्वोच्चका शाखा अधिकृत महिमानसिंह विष्टको नामबाट जारी भएको पत्रका आधारमा प्रहरीले चौधरीलाई पक्राउ गरेको थियो ।
प्रहरीले सोही पत्रका आधारमा चौधरीलाई पार्टी एकता कार्यक्रमस्थलबाटै पक्राउ गरेको थियो । सर्वोच्चले पक्रिया पूरा नगरी पत्र पठाएको भन्दै प्रश्न उठ्न थालेपछि छानबिन हुँदा मुद्दाको प्रक्रिया नै यथावत् रहेको भेटिएको छ । मुद्दा विचाराधीन भएको अवस्थामा अहिले पत्र जारी भएको भेटिएको छ ।
फैसला कार्यान्वयनको लागि पठाउँदा पनि सर्वोच्चले कैलाली जिल्ला अदालतलाई पत्र पठाउनु पर्नेमा सिधै प्रहरीलाई पत्र पठाइएपछि केही गडबड भएको नागरिक उन्मुक्ति पार्टीका नेताहरुले बताएका छन् ।
रेशमलाई छुटाउन पनि पहल थालिएको छ । सर्वोच्चद्वारा जारी भएको भनिएको पत्र गडबड देखिए र मुद्दा विचाराधिन अवस्थामै रहेकोले उनी छुट्न लागेका हुन् ।
यसैबीच नागरिक उन्मुक्ति पार्टी सरकारबाट बाहिरिने भएको छ । पार्टी अध्यक्ष रन्जिता श्रेष्ठले सरकारबाट बाहिरन लागेको पुष्टि गरिन् ।
सरकारलाई दिएको समर्थन फिर्तासँगै ओली नेतृत्वको वर्तमान सरकारबाट उन्मुक्ति पार्टी बाहिरन लागेको हो ।
नागरिक उन्मुक्तिका अरुण चौधरी संस्कृति पर्यटन तथा नागरिक उड्ययन राज्यमन्त्री छन् ।
