काठमाडौं । सभामुख कृष्णबहादुर महरालाई यौन दुर्व्यवहारको आरोप लगाउने संसद् सचिवालयकी महिलाका श्रीमान–श्रीमतीले सम्बन्ध विच्छेद गर्ने लिखित निर्णय गरेका छन् ।

बिहीबार रोशनीका श्रीमान चित्रजंग शाहीले सम्बन्ध विच्छेद गर्ने निर्णयमा पुगेको फेसबुकबाट जानकारी दिएका छन् । सार्वजनिक गरिएको पत्रमा ‘प्रीय जनहरु, थुप्रै उतार चढावका बीच हाम्रा साथ साथ २८ वर्ष दिनहरु विते समयको गतिसँगै असहमति असन्तुष्टि आउँदा रहेछन् । तथापी खुशी साथ अलग बस्ने निर्णय गरेका छौं । कानुनी प्रक्रिया निरन्तरताका साथ उल्लेख गरिएको छ । अब उनीहरु कानुनी प्रक्रियामा जानेछन् ।

संसद सचिवालयमा कार्यरत उनले सभामुख महराले आफूलाई बलात्कार गरेको आरोप लगाएकी थिइन् । भिडियो अन्तर्वार्तामा ती महिलाले महराले लामो समयदेखि आफूमाथि दुरव्यवहार गर्दै आएको दाबी गरेकी थिइन् तर २४ घण्टा नबित्दै उनले बयान फेरिन् ।