News Portal

  • इन्टरनेसनल फुटबल कपमा म्यान्चेष्टर युनाईटेडले ईन्टर मिलानलाई गर्यो पराजित

    २२१ पटक

    काठमाडौं । इन्टरनेसनल च्याम्पियन्स कप फुटबलमा म्यान्चेष्टर युनाईटेडले ईन्टर मिलानलाई पराजित गरेको छ ।

    गएराति सिंगापुरमा भएको खेलमा इङ्लिस क्लब म्यान्चेस्टर युनाईटेडले ईटालीको ईन्टर मिलानलाई १-० ले हराएको हो । युनाईटेडको जितमा मिसन ग्रिनउडले खेलको ७८ औ मिनेटमा निर्णायक गोल गरे ।

    दोस्रो हाफमा वैकल्पिक खेलाडीको रुपमा मैदान प्रवेश गरेका ग्रिनउडले युनाईटेडका लागि सिजनको दोस्रो गोल गरेका हुन् । त्यस्तै इन्टर मिलानका प्रशिक्षक एन्टोनियो कोन्टेले क्लब सम्हालेपछि पहिलो खेलमा पराजय भोगेका छन् ।

    गएराति भएको अर्को खेलमा म्यान्चेस्टर सिटी पराजित भएको छ । एसिया भ्रमणमा रहेका प्रिमियर लिगका टोलीहरुबीचको भिडन्तमा वुल्भरह्याम्पटन वान्डरर्सले म्यान्चेस्टर सिटीलाई हराएको छ ।

    निर्धारित समयमा गोलरहित बराबरी भएपछि टाई ब्रकेरमा वुल्भरह्याम्पटन ३-२ ले विजयी भएको हो । अर्को खेलमा न्यूकासल युनाईटेडले वेष्ट ह्याम युनाईटेडलाई १-० ले हराएको छ ।

    प्रतिकृया दिनुहोस्