News Portal

  • पाकिस्तानी पूर्वप्रधानमन्त्री अब्बासी भ्रष्टाचार आरोपमा पक्राउ

    २८५ पटक

    काठमाडौं । पाकिस्तानका पूर्वप्रधानमन्त्री शाहिद खाकान अब्बासी पक्राउ परेका छन् ।

    राष्ट्रिय जवाबदेही ब्यूरो (एनएबी) ले ‘लिक्विफाइड नेचुरल ग्यास’ (एलएनजी) को आयात ठेक्का मामिलामा अब्बासीलाई पक्राउ गरेको हो ।

    एनएबीले ठेक्कापट्टामा अर्बौं रुपैयाँ भ्रष्टाचार भएको दाबी गरेको छ । ‘एक्सप्रेस न्यूज’का अनुसार मुस्लिम लीग (नवाज) का वरिष्ठ उपाध्यक्ष अब्बासीलाई लाहौर टोल प्लाजा नजिकैबाट पक्राउ गरिएको हो ।

    मुस्लिम लीगले उनको गिरफ्तारीको पुष्टि गरेको छ । एनएबीले एलएनजी टर्मिनलको ठेक्का मामिलाकाबारेमा बिहीबार छलफलका लागि उपस्थित हुन अब्बासीलाई निर्देशन दिएको थियो तर, निजी व्यस्तताका कारण उनी उपस्थित नभएपछि उनलाई गिरफ्तार गरिएको बताइएको छ ।

    भ्रष्टाचार गरेको प्रमणित भएपछि नवाज शरीफले प्रधानमन्त्री पद त्याग्नु परेको थियो । त्यसपछि उनले शासन सत्ता सम्हालेका थिए । उनी १ अगस्ट २०१७ देखि ३१ मे २०१८ सम्म प्रधानमन्त्री थिए ।

    प्रतिकृया दिनुहोस्