बर्दिवास । आम सर्वसाधारणलाई झुटो परिचय दिँदै लाखौँ ठगी गर्ने एक जना महोत्तरीमा पक्राउ परेका छन् ।
आपूmलाई राजश्री सेभिङ एण्ड को-अपरेटिभ सोसाइटी संस्थाको जनकपुर शाखा प्रबन्धक भएको बताउँदै लाखौँ रकम ठगी गर्ने ४४ वर्षिय रमेश लम्साललाई प्रहरीले पक्राउ गरेको छ ।
उनी तेह्रथुम जिल्लाको जलजलेका स्थायी बासिन्दा हुन् हाल सुनसरी जिल्लाको धरान उपमहानगरपालिका–७ मा बसोबास गर्दै आएको बुझिएको प्रहरीले जनाएको छ ।
उनले बर्दिवास नगर क्षेत्रका सर्वसाधारणको जग्गा धितो राख्न लगाउँदै ४८ लाखभन्दा बढी रकम ठगी गरेको प्रारम्भिक अनुसन्धानबाट देखिएको छ । उनलाई बुधबार नै महोत्तरी जिल्ला अदालतमा उपस्थित गराई अदालतको स्वीकृतिमा थप अनुसन्धान थालिएको प्रहरीले जनाएको छ ।
पीडित सर्वसाधारणले गरेको उजुरी र दिएको हुलियाका आधारमा पक्राउ गरिएको प्रहरीको भनाई छ ।