आज :

विदेशी च्यानल बन्द, उपभोक्ता ठगेको भन्दै उजुरी

काठमाडौं । विदेशी च्यानल प्रशारण बन्द गरेको भन्दै केवल टेलिभिजन प्रदायकविरुद्ध केन्द्रीय अनुसन्धान ब्युरो (सीआईबी)मा उजुरी परेको छ ।

उपभोक्ताहित संरक्षण मञ्चले सुविसु केवल नेटका सञ्चालक सुधिर पराजुली र वागेश्वरी केवल टेलिभिजनका सञ्चालक लक्ष्मीनारायण शाहविरुद्ध उजुरी दर्ता गरेको हो ।

उजुरीमा करोडौं रुपैयाँ अग्रिम भुक्तानी असुल गरेका उभोक्तालाई अन्याय गरेको आरोप लगाइएको छ । केवल टेलिभिजन व्यवसायीले नेपालमा प्रशारण हुने विदेशी च्यानल क्लिन फिड हुनुपर्ने व्यवस्था सरकारले गर्न लागेकोमा सोमबार ३ बजेदेखि २४ घण्टा क्लिन फिड प्रशारण गरेका छन् ।

जसमार्फत् टेलिभिजन प्रशारणमा अवरोध पुगेको आरोप लगाइएको छ । मञ्चका उपमहासचिव विष्णुप्रसाद तिमिल्सिनाले दर्ता गरेको उजुरीमा सार्वजनिक सेवा टेलिभिजन अवरुद्ध पार्ने अपराधजन्य कार्यमा संलग्न व्यक्तिलाई सजाय गर्न र अवरुद्ध सेवा सञ्चालन गरी उपभोक्ताको हित संरक्षण तथा पीडित उपभोक्तालाई क्षतिपूर्ति भराउन माग गरिएको छ ।

मञ्चले ती केबल टेलिभिजन सञ्चालकको उपभोक्तासँगको सझौता, कारोबार, प्रशारणसम्बन्धी सम्पूर्ण विवरण, कागजात तथा कप्युटर फाइलसमेतको रेकर्ड झिकी बुझी अनुसन्धान गर्न माग गरेको छ ।

प्रतिक्रिया

About us

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम २०७१ सालदेखि निरन्तर चलिरहेको छ।
हामीले खासगरी खोजमूलक समाचारलाई स्थान दिने गरेका छौं । सन्तुलित विचार र समाचार सामाग्री हाम्रो अनलाइनको प्राथमिकता हो ।

सम्पर्क

Dabali Media Pvt. Ltd.
Anamnagar Kathmandu
Phone : 01-4771244
[email protected]
[email protected]

हाम्रो टीम

डबली मिडिया प्रा.लि. द्वारा संचालित 
अनलाइन डबली डटकम को लागि

अध्यक्षः दिपेन्द्र रावल
सम्पादकः धनन्‍जय बुढा

कार्यकारी सम्पादक : देवीराम देवकोटा
दर्ता नं. १५४/०७३-७४

Copyright © 2021 Online Dabali | Powered By EasySoftnepal