News Portal

  • इजिण्टका पूर्व राष्ट्रपति मोर्सीको निधन

    डबली सम्बाददाता
    ५५७ पटक

    काठमाण्डौं । इजिण्टका पूर्व राष्ट्रपति मोहमद मोर्सीको निधन भएको छ । कायरोको एक अदालतमा बेहोस भएर लडेका ६७ वर्षिय मुर्सीको हृदयाघातका कारण निधन भएको बताइएपनि स्पष्ट कारणबारे केही खुलाइएको छैन ।

    मुस्लिम ब्रदरहुडका ६७ वर्षका नेता मुर्सी आफूविरुद्धको जासुसीको अभियोग सम्बन्धी मुद्दाको सुनुवाइको लागि अदालतमा उपस्थित भएका थिए । जासुसी सम्बन्धी अभियोग तथा प्यालेस्टाइनी इस्लामवादी समूह हमाससँग उनको शंकास्पद सम्बन्धबारेको मुद्दामा बयान दिए लगत्तै उनी बेहोस भएका थिए ।

    बाहिरको आवाज सुन्न नसकिने साउन्ड प्रुफ सिसाको पिँजडाभित्रबाट उनले पाँच मिनेट बयान दिएको अन्तराष्ट्रिय सञ्चारमाध्यमले जनाएका छन् । मुर्सी सन् २०१२ मा निर्वाचित भएपनि त्यसको एक वर्षपछि सेनाले उनलाई अपदस्थ गरेको थियो । त्यसयता उनी जेलमा थिए ।

    अरब जगतमा भएको जनप्रदर्शनपछि सन् २०१२ मा मोर्सीको उदय भएको थियो । मुस्लिम ब्रदरहुडका प्रवक्ताले भने मुर्सीलाई उपचार सेवा उपलब्ध नगराइएको दाबी गरेका छन् ।

    प्रतिकृया दिनुहोस्