बझाङ । छबिसपाथीभेरा गाउँपालिका-४ कोटदरबार नजिक केन्द्रविन्दु भएर भूकम्प गएको छ ।
शुक्रबार दिउँसो १२ः२२ मा ४ म्याग्निच्यूडको भूकम्प गएको भूकम्प मापन केन्द्र सुर्खेतले जनाएको छ ।
यो २०७२ साल वैशाख १२ गतेको विनाशकारी ‘गोरखा भूकम्प’को पराकम्पन नभई नयाँ भूकम्प भएको बताइएको छ । भूकम्पले जिल्लामा कुनै क्षति गरेको छैन ।
बझाङबाहेक छिमेकी जिल्लाहरुमासमेत भूकम्पको धक्का महसुस गरिएको छ । यस वर्षको सुरुआतदेखि बझाङलाई केन्द्रविन्दु बनाएर अहिलेसम्म ३ पटक भूकम्प गएको भूकम्प मापन तथा अनुसन्धान केन्द्रको तथ्यांकमा उल्लेख छ । बझाङ नेपालकै भूकम्पको उच्च जोखिम रहेको जिल्ला मानिन्छ ।
