काठमाडौं । प्रधानसेनापति पूर्णचन्द्र थापा जनवादी गणतन्त्र चीनको जनमुक्ति सेनाको औपचारिक निमन्त्रणामा आगामी असार १ गते औपचारिक भ्रमणका लागि चिन जाँदै छन् ।
उनी प्रधानसेनापतिमा नियुक्त भएपछि पहिलो पटक चीनको भ्रमण जान लागेका हुन् । सो भ्रमण दलमा उनकी श्रीमती दिपा थापा तथा कार्यरथी उपरथी अनन्त कार्कीसहित ८ जना रहेका सैनिक जनसम्पर्क तथा सूचना निर्देशनालयले जनाएको छ ।
उनले चीनका विभिन्न सैनिक संरचना एवं ऐतिहासिक स्थल अवलोकनलगायत उच्चस्तरीय पदाधिकारीसँग भेटघाट गर्ने कार्यक्रम रहेको छ ।
नेपाली सेनाले उच्च तहका सैनिक नेतृत्वको भ्रमणले नेपाली सेना र चिनियाँ सेनाबीच रहँदै आएको द्विपक्षीयहित र पारस्परिक सम्बन्ध सुमधुर एवं प्रगाढ बनाउन मद्दत पुग्ने विश्वास लिएको छ । सो टोलीे असार ७ गते स्वदेश फिर्ता हुने कार्यक्रम रहेको छ ।
