काठमाडौं । आइतबार आफ्नै नाबालिग छोराको एक बुवाले हत्या गरेपछि उनको पत्नीले आत्कहत्या गरेकी छिन् ।
आफ्नै पतिले छोराको हत्या गरेपछि पत्नीले सहन नसकी आत्महत्या गरेको बताइएको छ । जब घरमा यी सब घटना भइरहेको थियो त्यति बेला छोरीले घटनाको पूरै भिडियो खिचिन् ।
यो घटना भारतको कर्नाटकस्थित बैंगलुरुको हो । अहिले यो भिडियो सामाजिक सञ्जालमा भाइरल भएको छ । भिडियो भाइरल भएपछि प्रहरीले छोराको हत्यारा पिता सुरेशलाई पक्राउ गरेको छ ।
मृतकहरुमा उनकै २८ वर्षिय पत्नी गिता बाई र १२ वर्षिय छोरा बरुण रहेको भारतीय मिडियाले जनाएको छ । छोरालाई झुण्ड्याइरहेका बेला घरमा हल्लाखल्ला भयो । त्यसपछि छिमेकीहरु आए, केहीले सुरेशलाई रोक्ने प्रयास गरे भने केहीले प्रहरीलाई खबर गरे । खबर पाएपछि आएको प्रहरीले सुरेशलाई गिरफ्तार गरेको थियो ।
आफूले ऋण तिर्न नसकेपछि छोरा र पत्नीले आत्महत्या गरेको सुरेशले प्रहरीलाई दिएको बयानमा उल्लेख छ । सुरेशको बयानपछि प्रहरीले गरेको छानबिनमा उसले छोराको हत्या गरेको खुल्न आएको हो । सुरेश अहिले प्रहरी नियन्त्रणमा छ । घटनाको विषयमा थप अनुसन्धान भइरहेको प्रहरीले जनाएको छ ।
