जनकपुर । जटही सडक खण्ड अन्तर्गत ३ गछियामा बसको ठक्करबाट एक जनाको मृत्यु भएको छ ।
नगराईन नगरपालिका वार्ड नं.२ मा गछिया नजिकै बसको ठक्करबाट मोटरसाइकलमा सवार एकको मृत्यु र एक जना गम्भीर घाइते भएका छन् ।
मृत्यु हुनेमा धनुषा जिल्ला मधुवनी शीलकोरका ४० वर्षिय सुरेन्द्र यादव रहेका छन् भने ऊनीसँगै मोटरसाइल सवार जनकपुर १७ का २१ वर्षिय रमेश यादव गम्भीर घाइते छन् ।
धनुषा प्रहरीले दिएको जानकारी अनुसार हिजो साँझ जनकपुरबाट जटही तर्फ गई रहेको ज.९ प. ४१८२ नं.को मोटरसाइललाई विपरीत दिशाबाट जनकपुर तर्फ जाँदै गरेको ना.३ ख.२९८० नं.को बसले ठक्कर दिएको थियो ।
बस नियन्त्रणमा रहेको र फरार गाडी चालकको खोजी भइरहेको प्रहरीले जनाएको छ ।
