रामेछाप । मोटरसाइकल दुर्घटनामा २ जनाको मृत्यु भएको छ ।
मन्थली नगरपालिका-९ पुराना गाउँमा बुधबार साँझ मोटरसाइकल दुर्घटना हुँदा खाँडादेवी गाउँपालिकाका २२ वर्षिय लोप्साङ लामा र ११ वर्षिय बालक चोककुमार श्रेष्ठको ज्यान गएको हो ।
पुराना गाउँको अङ्गेरीपानीबाट खुरबेँसी जाने क्रममा बा ५१ प ६३६५ नं.को मोटरसाइकल दुर्घटना हुँदा चालक लामाको घटनास्थलमै र बालकको उपचारका लागि ल्याउने क्रममा बाटोमा मृत्यु भएको प्रहरीको भनाई छ ।
प्रहरीका अनुसार मोटरसाइकल सडकबाट सय मिटर तल खसेको छ । छापखानी खोला तरेर उकालो बाटोतर्फ जाँदैै गरेको मोटरसाइकल अनियन्त्रित भई खोलामा खसेको बताइएको छ ।