सुनसरी । भोक्राह-नरसिंह गाउँपालिका-३ शिवगंजमा गएराति भएको मोटरसाईकल दुर्घटनामा परी एक जनाको मृत्यु भएको छ भने अर्का एक जना घाईते भएका छन् ।
राति सवा १ बजे भित्री सडकखण्डमा को २० प ४४० नं.को मोटरसाईकल आफैँ अनियन्त्रित भई दुर्घटना हुँदा मोटरसाईकल चालक सोही स्थान बस्ने २६ वर्षिय धनपत खत्वे र पछाडी सवार २६ वर्षिय प्रकाश खत्वे घाइते भएका हुन् ।
दुर्घटनामा गम्भीर घाइते दुवै जनालाई उपचारको लागि जिल्ला अस्पताल सुनसरी पठाईएकोमा उपचारको क्रममा मोटरसाईकल चालक धनपतको राति साढे २ बजे मृत्यु भएको छ भने घाइते प्रकाशलाई थप उपचारको लागि गोल्डेन अस्पताल विराटनगर पठाईएको जिल्ला प्रहरी कार्यालय सुनसरीले जनाएको छ ।
