
काठमाडौं । पाकिस्तानको लाहोरस्थित सबैभन्दा पुरानो तथा सर्वाधिक लोकप्रिय सुफी मस्जिद नजिकै बुधबार भएको बिस्फोटमा कम्तीमा पाँच जनाको मृत्यु हुनका साथै २४ जना घाइते भएका छन् ।
मृतक ५ मध्ये ३ जना सुरक्षाकर्मी रहेका छन् । प्रहरीका अनुसार हमलाकारीले सुरक्षाकर्मीको एउटा गाडीलाई निशाना बनाएर विस्फोट गराएका थिए ।
हमलाको जिम्मेवारी कसैले पनि लिएको छैन । मस्जिद बाहिर तैनाथ प्रहरीको गाडीलाई निशाना बनाएर विस्फोट भएको लाहोर प्रहरीका उच्च अधिकारीले जनाएका छन् ।
प्रहरीले बिस्फोटको अनुसन्धान शुरु गरिसकेको छ । उक्त मस्जिदमा सन् २०१० मा पनि आक्रमण भएको थियो । उक्त आक्रमणमा ४० जनाभन्दा बढीको मृत्यु भएको थियो ।