काठमाडौं । नेपाली फुटबलकी सदस्य सावित्रा भण्डारीले इन्डियन वुमन्स लिगमा सानदार सुरुआत गरेको छ ।
सावित्रा एक्लैको ४ गोलप्रेरित सेथुले लिगको पहिलो खेलमा सोमबार मणिपुर पुलिस स्पोर्ट्स क्लबलाई ६-४ ले हराउँदै सानदार सुरुआत गरेको हो ।
उनले एक एसिस्ट पनि गर्दा सेथुले फराकिलो जितसँगै तेस्रो संस्करणको लिगको दाबेदारीसमेत प्रस्तुत गरेको छ । सोही क्लबबाट नेपालकै अर्की स्टार खेलाडी अनिता बस्नेतले पनि खेलेकी छिन् ।
यस पटक उपाधि जित्ने लक्ष्य राखेको सेथुले भारतीय राष्ट्रिय टोलीका ६ र नेपालका २ खेलाडीलाई अनुबन्धन गरेको थियो । सोही योजना अनुरूप सेथुले आइतबारदेखि सुरु भएको लिगमा राम्रो नतिजा पनि निकालेको छ ।
सावित्राले २९ सेकेन्डमा नै गोल गर्दै सेथुलाई अग्रता दिलाएकी थिइन् । त्यसपछि सावित्राले १६ औं, ३४ औं र पहिलो हाफको इन्जुरी समयमा गोल गरेकी थिइन् । ७५औं मिनेटमा सावित्राकै पासमा दाङमेई ग्रेसल गोल गर्दै सेथुलाई ६-ले अगाडि बढाइन् ।
त्यसअघि २२ औं मिनेटमा सेथुको डिफेन्समा तालमेल नमिल्दा मणिपुरले आत्मघाती गोल उपहार पाएको थियो । ४१ औं मिनेटमा मणिपुरकी कप्तान बाला देवीले गोल गर्दै अग्रता घटाइन् ।
दोस्रो हाफको ६५ औं मिनेटमा मणिपुरका लागि आशारानी देवीले गोल गर्दै खेल ४-३ को स्थितिमा ल्याइन् । मणिपुरले खेलको इन्जुरी समयमा चौथो गोल गर्दै आफ्नो टोलीको हार ६-४ ले छोट्याइन् ।
