News Portal

राहत लिएर आउने बाटो देखेर आउँदैनन्, अहिलेसम्म त्रिपाल मात्र

१४८ पटक

काठमाडौं । ४ दिनदेखि बारा-हावाहुरीका कारण अवरुद्ध बाराको बलिरामपुरदेखि छोटकिफुलबरियासम्म जोड्न सडक अझै सुचारु भएको छैन ।

सम्बन्धित निकायले चासो नदिएका कारण उक्त सडक ४ दिनसम्ममा पनि सञ्चालनमा आउन सकेको छैन ।

सडकमा सिसौका रूख, बाँसहरु ढलेका छन् । सडकमा ढलेका रूखहरु पन्छाउन नसक्दा सडक सञ्चालनमा आउन नकसकेको हो ।

सडक सञ्चालनमा आउन नसक्दा कलैया-१३ बलिरामपुरका हुरीपीडितले राहत पाउन सकेको छैनन् । ‘राहत ल्याउन आउने पनि बाटो देखेर आउँदैनन्’, स्थानीय रामचन्द्र साहले भने, ‘हामीले त्रिपालबाहेक केही पनि पाएका छैनौं ।’ उक्त सडकका विषयमा स्थानीय तह भने बेखबर छ ।

कैलया उपमहानगरपालिकाका प्रमुख राजेश यादवले आफूले भर्खरै मात्र जानकारी पाएको बताए । ‘मैले भर्खर मात्रै जानकारी पाएको छु अब काम अगाडि बढ्छ’, उनले भने, ‘दुई घण्टामा बाटो खुल्छ ।’ बलिरामपुरमा हुरीले १० घर परिवारलाई विस्थापित बनाएको छ ।

प्रतिकृया दिनुहोस्