काठमाडौं । अख्तियार दुरुपयोग अनुसन्धान आयोगका तत्कालीन आयुक्त राजनारायण पाठकलाई ७८ लाख रुपैयाँ घुस खुवाउने नेपाली कांग्रेसका नेता लम्बोदर न्यौपानेलाई ८ वर्ष कैद सजाय माग गरिएको छ ।
आयोगले मंगलबार विशेष अदालतमा उनीविरुद्ध भ्रष्टाचार मुद्दा दर्ता गर्दै ८ वर्ष कैद सजाए र जरिवाना माग गरेको छ । उनले घुस दिएको पुष्टि भएपछि भ्रष्टाचार निवारण ऐन अनुसार कैद सजाय र जरिवाना माग गरेर मंगलबार विशेष अदालतमा मुद्दा दायर गरिएको आयोगका प्रवक्ता प्रदीपकुमार कोइरालाले बताए ।
भक्तपुर चाँगुनारायणको नेपाल इन्जिनियरिङ कलेजका सञ्चालकसमेत रहेका न्यौपानेले दिएको ७८ लाख घुस पाठकले बुुुझेकोे पुुुष्टि भएको आयाोगले जनाएको छ ।
न्यौपाने र पाठकबीच १ करोड ६५ लाखमा मुद्दा मिलाउने सहमति भए पनि ७८ लाख मात्रै लेनदेन भएको देखिएको आयोगले जानकारी दिएको छ ।
