कैलाली। अत्तरियामा सवारी दुर्घटना हुँदा एक जनाको मृत्यु भएको छ ।
महेन्द्रनगर रोड गोदावरी पुल नजिकै शनिवार राती करिव ९ :३० बजे तिर भएको सवारी दुर्घटनामा उनको मृत्यु भएको प्रहरीले जनाएको छ ।
अत्तरियाबाट महेन्द्रनगरतिर जाँदै गरेको से १ च २०९४ नं.को स्कारपियोले ठक्कर दिँदा गोदावरी नगरपालीका ३ मालीका टोल बस्ने २७ वर्षिय अनुप साउँदको मृत्यु भएको हो ।
दुर्घटना लगत्तै मृतक साउँदलाई उपचारका लागी पद्यमा अस्पतालमा लगिएको र त्यहा उपचार सम्भव नभए पछी रेफर गरी भारतको बरेली लैजाने क्रममा बाटोमै मृत्यु भएको बताइएको छ ।
सवारी र सवारी चालक अहिले प्रहरीको नियन्त्रणमा रहेको र घटनाबारे थप अनुसन्धान भईरहेको प्रहरीको भनाई छ ।
कैलालीकै गोदावरी नगरपालिका ४ मा मृत भेटिएका पुरुषको सनाखत भएको छ ।
मृत भेटिएका पुरुष बैतडीको दशरथचन्द नगरपालिका २ का ४५ वर्षिय हर्क भण्डारी रहेको जिल्ला प्रहरी कार्यालय कैलालीले जनाएको छ ।
कञ्चनपुरको वाणीमा आफन्तलाई भेटेर घर फर्किने बेला उनी मृत फेला परेका हुन् । शनिवार बिहान गोदावरी नगरपालिका-४ पूर्व पश्चिममहेन्द्र राजमार्ग छेउ खैराना पुल नजिकै उनको शव फेला परेको थियो । घटनाबारे थप अनुसनधन भइरहेकोे छ ।
त्यस्तै घोडाघोडी नगरपालिका २ साडेपानीमा मोटरसाईकल दुर्घटनामा परि एक जना घाईते भएका छन् ।
पश्चिमबाट पुर्वतिर आईरहेको से १ प ३६२६ नं.को ट्याक्टरको ट्रलीमा से ७ प ४७८७ नं.को मोटरसाईकल ठोक्किदा दुर्घटना भएको छ ।
दुर्घटनामा परि मोटरसाईकल चालक धनगढी तारानगरका केवल चौधरी घाईते भएका छन् । उनको सुखडस्थित घोडाघोडी अस्पतालमा उपचार भईरहेको प्रहरीको भनाई छ ।