नवलपरासी । पूर्व पश्चिम राजमार्गको नारायणगढ बुटवल सडक खण्ड अन्तर्गत कावासोतीको खरकट्टा जङ्गलमा आज (आइतबार) बिहान दुई ट्रक एक आपसमा ठोक्किएर दुर्घटना हुँदा एक जनाको च्यापिएर घटना स्थलमै मृत्यु भएको छ भने २ जना गम्भीर घाइते भएका छन ।
मृत्यु हुनेमा दाङका १८ वर्षिय अनराम रखाल रहेको जिल्ला प्रहरी कार्यालय नवलपरासीले जनाएको छ ।
त्यस्तै दुर्घटनामा दाङकै ३० वर्षका सुदिप राई र २३ वर्षका विनोद लामा गम्भिर घाइते भएका छन् । घाइते दुबैको अहिले पुरानो मेडिकल कलेज भरतपुरमा उपचार भइरहेको छ ।
कावासोती नजिकै खरकट्टा जङ्गलमा विग्रीएर रोकिराखेको ना ७ ख १०९९ नं.को ट्रकमा पुर्वबाट पश्चिम तर्फ जाँदै गरेको ना ६ ख ११९४ नं.को ट्रकले पछाडिबाट ठक्कर दिदा दुर्घटना भएको प्रहरीले जनाएको छ ।