काठमाडौं । न्यूजिल्याण्डको क्रिस्टचर्च शहरमा रहेको २ मस्जिदमा बन्दुकधारीले गरेको आक्रमणबाट मृत्यु हुनेको संख्या ४९ पुगेको छ ।
हमलामा २० भन्दा बढी गम्भीर घाइते भएको बीबीसीले जनाएको छ । न्यूजिल्याण्डकी प्रधानमन्त्री जेसिन्डा अर्डनले मृत्यु हुनेको संख्या पुष्टि गर्दै हमलालाई आतंकवादीको संघ्या दिएकी छिन् ।
घटनापछि एक महिलासहित ४ जनालाई प्रहरीले पक्राउ गरेको छ । प्रहरी प्रमुख माइक बुशले ४ जना संकास्पदलाई हिरासतमा लिएको पुष्टि गरेका छन् ।
उनले जोखिम अझै खतरामुक्त भइसकेको भन्न सक्ने अबस्था नरहेको बताएका छन् । यो आक्रमणमा २८ वर्षिय अष्ट्रेलियन युवकको संलग्नता रहेको उल्लेख गरिएको छ ।
उनले अल नुर मस्जिद आक्रमणको फेसबुक लाइभ गरेका थिए । सैनिक पोशाक लगाएका ती व्यक्तिले कारबाट ओर्लिएर मस्जिदमा अन्धाधुन्द गोली प्रहार गरेका थिए ।
अर्को सूचना जारी नगरेसम्म क्रिस्टचर्च मस्जिद र त्यसआसपासका क्षेत्रमा रहेका विद्यालय र कार्यालयहरु बन्द गरिएको छ ।
