News Portal

२५ किलो चाँदी र सुनसहित २ भारतीय जनकपुरमा पक्राउ

१४७ पटक

काठमाडौं । जनकपुरमा २५ किलो चाँदी र २ सय ग्राम सुनसहित २ भारतीय नागरिक पक्राउ परेका छन् ।

पक्राउ पर्नेमा भारत विहार राज्य मधुवानी जिल्ला बासोपट्टी-४ का ३७ वर्षिय कृष्णकुमार महतो र सोही ठाउँका ३० वर्षिय रुपेश महतो रहेका छन् ।

दुवैजनालाई जिल्ला प्रहरी कार्यालय धनुषाले आज (सोमबार) बिहान पत्रकार सम्मेलनको गरी बरामद उक्त चाँदी र सुनसहित सार्वजनिक गरेको हो ।

आइतबार बेलुका जनकपुरबाट लोहना हुँदै भारत जान लागेको बी.आर.३२ एस ४३५७ नं.को मोटरसाइकलमा लोहना जाने सडकमा उनीहरुलाई पक्राउ गरिएको प्रहरीले जनाएको छ ।

विशेष सुराकीको आधारमा जिल्ला प्रहरी कार्यालय र प्रदेश प्रहरी कार्यालयबाट खटिएको विशेष प्रहरी टोलीले जाँच गर्ने क्रममा सुनको बाला १ थान, गोलो टुक्रा १ थान र ९ प्याकेट चाँदीको दाना बरामद गरेको धनुषाका प्रहरी उपरीक्षक शेखर खनालले बताए ।

पक्राउ परेका दुवै जनामाथि थप अनुसन्धान भैरहेको र मोटरसाइकलसहित सुन र चाँदी आवश्यक कारबाहीका लागि जिल्ला भन्सार कार्यालय पठाउने तयारी भैरहेको प्रहरी उपरीक्षक खनालले बताए ।

प्रतिकृया दिनुहोस्