अनलाइन डबली
काठमाडौँ । रसुवा बाढीसँगै अवरुद्ध कृष्णभीर सडक खण्डमा दुईतर्फी सवारी साधन चल्न थालेका छन् । पृथ्वी राजमार्गअन्तर्गत धादिङको कृष्णभीरमा भोटेकोशी नदीमा आएको बाढीका कारण सडक भासिएपछि नयाँ ट्र्याक बनाएर आजदेखि गाडी चल्न थालेका हुन् ।
जिल्ला प्रशासन कार्यालय धादिङका अनुसार सडकमा गएरातिदेखि नै गाडी आवतजावत शुरू भएको थियो ।
सडक सञ्चालनमा आएपनि पृथ्वी राजमार्गका विभिन्न ठाउँमा अझै पनि सडक भासिने, पहिरो जाने तथा ढुंगा–माटो खस्ने जोखिम कायम रहेकाले सावधानी अपनाउन स्थानीय प्रशासनले सचेत गराएको छ ।
१४ भदौमा त्रिशूली नदीमा आएको बाढीका कारण भित्ता कटान हुँदा कृष्णभीरमा पहिरो गएको थियो । पहिरो गएकै स्थानभन्दा माथि नयाँ ट्र्याक खोलेर ग्राभेल गरिएपछि सवारीसाधन दुईतर्फी चल्ने अवस्था बनेको सडक विभागले जनाएको छ ।
