धनगढी । सुदूरपश्चिम प्रदेशका मुख्यमन्त्री खगराज भट्ट र पूर्वमुख्यमन्त्री तथा प्रमुख प्रतिपक्ष दल नेपाली कांग्रेसका संसदीय दलका नेता कमल शाहबीच भेटवार्ता भएको छ ।

भेटका क्रममा मुख्यमन्त्री भट्टले पूर्वमुख्यमन्त्री शाहको स्वास्थ्य अवस्थाबारे जानकारी लिँदै शीघ्र स्वास्थ्यलाभको कामना गर्नुभएको छ ।

भेटमा मुख्यमन्त्री भट्ट र शाहबीच समसामयिक राजनीतिक विषयसँगै सुदूरपश्चिम प्रदेशको वर्तमान अवस्था तथा प्रदेशका विविध विषयमा समेत छलफल भएको बताइएको छ ।