अनलाइन डबली
काठमाडौं । आज राष्ट्रपति रामचन्द्र पौडेलले जेनजी युवाहरुसँग छलफल गर्न लागेका छन् । तर, छलफलमा सहभागी हुने प्रतिनिधि छनोटलाई लिएर जेनजी युवाहरुले विरोध जनाएका छन् ।
शुक्रबार आफूहरुबीच १३ जना छलफलमा जाने कुरा भएको तर आज राष्ट्रपति कार्यालयको सूचीमा २० जनाको नाम रहेको भन्दै जेनजी युवाहरुले विरोध जनाएका छन् ।
राष्ट्रपति कार्यालयको गेटमा पुगेका जेनजी युवाहरुले सुरक्षाकर्मी छलफलको लागि भन्दै तयार लिष्ट पढेर सुनाएका थिए । त्यसपछि युवाहरुले आफूखुशी प्रतिनिधिको नाम छनोट गरेको भन्दै विरोध जनाए ।
प्रधानमन्त्री सुशीला कार्कीले आफूखुशी नाम तयार गरेको भन्दै युवाहरुले विरोध जनाएका थिए । उनिहरुलाई गेट बाहिर रोकियो ।
तर, सुधन गुरुङको टोलीलाई भने शितल निवासभित्र प्रवेश गर्न दिइएको छ । गुरुङलाई नक्कली जेनजी भन्दै एउटा समूहले सुरुदेखि नै विरोध जनाउँदै आएको थियो ।
जेनजी युवाहरुबीच नै छलफलमा जाने प्रतिनिधिबारे कुरा नमिलेपछि राष्ट्रपतिले समय सारेका छन् । दिउँसो ३ बजेलाई छलफल बोलाइएको छ । तर, उक्त समयमा पनि छलफल हुने नहुने पक्का भइसकेको छैन ।
