अनलाइन डबली
काठमाडौँ । अमेरिकाले इरानका आणविक ऊर्जा केन्द्रमा हमला गरेपछि इरानले जवाफी हमला सुरु गरेको छ । अमेरिकाको हमलापछि इरानले एकैसाथ ३० मिसाइल प्रहार गरेको भारतीय पत्रकार मनिष झाले आफ्नो रिपोर्टमा उल्लेख गरेका छन् ।
पत्रकार झा अहिले इजरायलको राजधानी तेल अभिभमा रहेर इरानी हमलाबाट भएको क्षतिको रिपोर्टिङ गरिरहेका छन् । ‘इरानले मिसाइलबाट प्रचण्ड प्रहार गरेको छ’ उनले बताए ।
तेल अभिभमा रहेका सैन्य संरचनालाई लक्षित गरेर हमला गरिएको उल्लेख छ । त्यस्तै, इजरायलको अर्को शहर हाईफामा पनि इरानले प्रचण्ड प्रहार गरेको छ ।
इरानी मिसाइललाई रोक्न इजरालय र अमेरिकी एयर डिफेन्स सिस्टम पूरै फेल देखिएको छ । तर, इजरायली अधिकारीहरुले ठूलो संख्यामा इरानले हमला गरेको त्यसको केही अंशले मात्रै क्षति पुर्याएको बताएका छन् ।
इजरायली सेनाकै अनुसार केही अंशले यति क्षति पुर्याएको छ भने इरानको पूर्ण हमलालाई रोक्न नसकेपछिको अवस्था के होला भन्ने प्रश्न उठेको छ ।
अमेरिकाले इरानमा हमला गरेपछि इरानले जवाफी हमला गर्न सक्ने भन्दै आज इजरायलले सबै सार्वजनिक कार्यालय, विद्यालय, पसल नखोल्न सूचना जारी गरेको छ ।