काठमाडौँ । नेपाल आयल निगमले आजदेखि पेट्रोलियम पदार्थको भाउ बढाएको छ ।

इण्डियन आयल कर्पोरेशनले असार १ गते पेट्रोलियम पदार्थको भाउ बढाएर नयाँ मूल्य पठाएकाले सञ्चालक समितीको बैठकले २ गते बिहान १ बजेदेखि लागु हुनेगरी पेट्रोल लिटरमा १ रुपैयाँ र डिजेल÷मट्टितेलमा २ रुपैयाँ बढाउने निर्णय गरेको हो ।

नयाँ मूल्यअनुसार पेट्रोल लिटरको १६० र डिजेल÷मट्टितेलमा लिटरको १४५ पर्ने निगमले विज्ञप्ती मार्फत जनाएको छ ।

इरान र इजरायलबीचको युद्धका कारण पेट्रोलियम पदार्थको मूल्य बढ्ने आशंकाबीच नयाँ मूल्यसूची सार्वजनिक भएको छ ।

पछिल्लो मूल्य बढ्नुमा इरान–इजरायलबीचको युद्ध मुख्य कारण रहेको बताइएको छ ।