अनलाइन डबली
रोल्पा । नेकपा (माओवादी केन्द्र) को मध्यपहाडी लोकमार्ग अभियान आज रोल्पा आइपुगेको छ। अध्यक्ष प्रचण्डको नेतृत्वमा रहेको अभियान जनयुद्धको उद्गमस्थल थवाङ पुग्दा भव्य स्वागत गरिएको छ।
स्थानीयवासी र पार्टीका नेताहरूले अध्यक्ष प्रचण्डसहितको टोलीलाई स्वागत गरेका हुन्।
थवाङमा आयोजित जनसभलाई प्रचण्डले सम्बोधन गरिरहेका छन् ।
यो क्षेत्र जनयुद्धकालमा अध्यक्ष प्रचण्डको महत्वपूर्ण सेल्टर थियो। यस्तै, रोल्पाको लाबाङ तत्कालीन माओवादी आन्दोलनको एक ऐतिहासिक बैठक स्थलका रूपमा चिनिन्छ, जहाँ महत्वपूर्ण रणनीतिहरू तय गरिएको थियो ।
अभियान टोली आज राति रोल्पामै बास बस्ने कार्यक्रम रहेको छ ।
