काठमाडौँ । सहकारी ठगीमा संलग्न  नेपाली कांग्रेसकी सांसद माया राई पक्राउ परेकी छिन।  स्वर्णलक्ष्मी बहुउद्देश्यीय सहकारी प्रकरणमा फरार रहेकी राईलाई नेपाल प्रहरीले  शनिबार कपनबाट पक्राउ गरेको हो ।

कांग्रेसको केन्द्रीय सदस्यसमेत रहेकी राईविरुद्ध सहकारी ठगी र संगठित अपराधको कसुरमा काठमाडौं जिल्ला अदालतबाट पक्राउ पुर्जी जारी भएपश्चात लामो समयदेखि फरार थिइन्। उनी सहकारीको सञ्चालक समितिमा रहेर सहसचिव पदमा कार्यरत थिइन्।

भोजपुर स्थायी घर भएकी राई समानुपातिकतर्फबाट प्रतिनिधिसभा सदस्य बनेकी हुन्। फरारकै अवस्थामा उनले तलबभत्ता बुझ्दै आएकी थिइन्। फरार रहेकी उनले शुक्रबार संसद पुगेर गोप्य रुपमा हाजिर गरेका बिषयमा संचारमाध्याममा ब्यापक बनेको थियो।

कालीमाटीमा रहेको स्वर्णलक्ष्मी बहुउद्देश्यीय सरकारी संस्थाको रकम अपचलन गरेको आरोपमा राष्ट्रिय स्वतन्त्र पार्टीका सभापति एवम् सांसद रवि लामिछानेसहित ३९ जनाविरुद्ध मुद्दा दर्ता भएको थियो। पूर्वगृहमन्त्री लामिछानेलाई ६० लाख धरौटीमा छोड्न काठमाडौं जिल्ला अदालतले आदेश दिएको छ। हाल लामिछानेको सांसद पद निलम्बनमा छ।