अनलाइन डबली
अछाम । जिल्लाको रामारोशन गाउँपालिकामा दोस्रो चरणको ‘शैक्षिक रुपान्तरण अभियान’ सम्पन्न भएको छ ।
गाउँपालिकाले शैक्षिक क्षेत्र सुधारको लागि सञ्चान गरेको अभियानकाे अन्तिम जागरण भेला शुक्रबार रामारोशन गाउँपालिका-५ स्थित निलकण्ठ माध्यमिक विद्यालय पातलमा विद्यार्थी, अभिभावक तथा शिक्षक शिक्षिकाको सहभागीतामा सम्पन्न भएकाे हाे ।
गाउँपालिकाका कार्यकारी अधिकृत रामबहादुर भण्डारीका अनुसार अभियान असोज ५ गतेबाट सुरु भएको थियो । शैक्षिक क्षेत्रका समस्या पत्ता लगाएर समाधान गर्ने, सरकारी विद्यालयको गुणस्तर वृद्धि गर्ने उद्देश्यले पालिकाले शैक्षिक जागरण अभियान सञ्चालन गरेको थियो ।
अभियानले विद्यार्थी, अभिभावक र शिक्षक शिक्षिकबीच जागरण भेलाले एक आपसमा अन्तरक्रिया गराएको बताइएको छ । यसले पालिकाको समग्र शैक्षिक क्षेत्रमा थप टेवा पुर्याएको भण्डारीको भनाई छ ।
अभियानले सरकारी शैक्षिक संस्थाप्रति बढ्दाे चिन्ता तथा निरासालाई एकहदसम्म चिर्दै आशामा बदलेको गाउँपालिकाले जनाएको छ ।
फोटोफिचर
