अनलाइन डबली
काठमाडौं । नेकपा एमालेले केन्द्रीय कमिटी बैठकमा नेताहरुले आफ्ना धारण राख्ने क्रम आज पनि जारी रहने भएको छ । हिजोबाट सुरु भएको बैठकमा अध्यक्ष केपी शर्मा ओलीले पेश गरेको प्रस्तावमाथि नेताहरुले धारणा सुरु गरेका थिए ।
पहिलो दिन २७ नेताहरुले आआफ्ना धारण राखेका छन् । आज पनि बैठक सुरु भएपछि धारणा राख्नेक्रमले निरन्तरता पाउने नेताहरुले बताएका छन् ।
राजनीतिक र सांगठानिक प्रस्तावमा धारणा राख्ने समय ३ मिनेट दिइएको छ । ३ मिनेट कटेपछि स्वतः लाइन काटिने व्यवस्था गरिएको छ । नेताहरुले ३ मिनेटको समय अपुग भएको भन्दै गुनासो गरेका छन् ।
पहिलो दिनको बैठकमा सुदूरपश्चिम, कर्णाली र लुम्बिनीबाट प्रतिनिधित्व गर्ने केन्द्रीय सदस्यहरुले धारणा राखेका छन् । बैठक मंगलबारसम्म चल्नेछ ।
