काठमाडौँ । बेजिला फिल्मस् को निर्माणमा तयार भएको नयाँ म्युजिक भिडियो ‘सौभाग्य मेरो जीवनको’ सार्वजनिक भएको  छ। यो प्रेमिल गीतमा गायक सुमन केसी र गायिका अस्मिता अधिकारीको  सुमधुर स्वर रहेको छ। गीतको  शब्द किशोर पोखरेलले लेखेका हुन् भने संगीत रमेश अन्जन कडरियाको रहेको छ । संगीत संयोजनको कार्य गायक सुमन केसीले नै गरेका हुन्।

भिडियोको निर्देशन लक्ष्मण पुन लक्सले कुशलतापूर्वक गरेका छन्। सहायक निर्देशकको रूपमा धर्मेन्द्र पुर्जाले साथ दिएका छन्। भिडियोमा लक्ष्मण पुन लक्स र लक्ष्मी पुर्जालाई प्रमुख पात्रका रूपमा देख्न सकिन्छ।

यस म्युजिक भिडियोको छायांकन गोविन्द बिष्टले गरेका हुन्, सम्पादन र कलर ग्रेडिङ सुप्रिम पराजुलीले गरेका हुन् । जापानका सुन्दर स्थानहरूमा छायांकन गरिएको यो भिडियोले दर्शकहरूको ध्यान आकर्षित गर्ने विश्वास गरिएको छ। बेजिला फिल्मस् को  आधिकारिक युट्युब च्यानलमा भिडियो  हेर्न सकिन्छ।