अनलाइन डबली
काठमाडौँ । विवादित मेडिकल व्यवसायी दुर्गा प्रसाईंलाई प्रहरीले पुनः पक्राउ गरेको छ । काठमाडौँ जिल्ला अदालतले धरौटीमा रिहा गर्न आदेश दिएको थियो ।
प्रधानमन्त्री केपी शर्मा ओलीको कम्बोडियामा लगानी गरेको दाबी गर्दै भिडियो सार्वजनिक गरेका थिए । प्रहरीले साइबर अपराधमा प्रसाईलाई पक्राउ गरेको थियो । प्रहरीले साइबर अपराधबारेको अनुसन्धान प्रतिवेदन बुझाएपछि काठमाडौँ जिल्ला अदालतका न्यायाधीश विष्णुप्रसाद अवस्थीले ४० हजार धरौटीमा छाड्न आदेश गरेका थिए ।
प्रहरीले संगठित अपराध मुद्दामा पुनः पक्राउ गरेको थियो ।
व्यवसायीलाई धम्क्याएको आरोपमा पक्राउ परेका प्रसाईं निकट हरिचन्द्र फुयलले सो कामका लागि आफूले ५ लाख लिएको बयान दिएका छन् । आपराधिक लाभ सम्बन्धी सो कसुरमा प्रहरीले प्रसाईंसँग पनि बयान लिइसकेको छ ।
