अनलाइन डबली
धनगढी । दशैं सकिएलगत्तै डडेल्धुरामा दुःखद् दुर्घटना भएको छ । बैतडी जाँदै गरेको रात्रिबस डडेल्धुरामा दुर्घटना हुँदा चार जनाको मृत्यु भएको छ ।
डडेल्धुरा प्रहरीका अनुसार महेन्द्रनगरबाट बैतडीको पुर्चौंडी गइरहेको रात्रिबस गएराति डडेल्धुराको अमरगढी नगरपालिका–७ खस्रेखानमा दुर्घटना हुँदाअन्य १२ जना घाइते भएका छन् ।
प्रहरीका अनुसार दुर्घटनामा बैतडीको पुर्चौंडी नगरपालिका–३ का ४५ वर्षीया जयमति बोहरा, सोही ठाउँकी २० वर्षीया कमला बोहरा, निजका छोरा र सोही ठाउँका २२ वर्षीय सहदेव बोहराको मृत्यु भएको हो ।
दुर्घटनामा परी गम्भीर घाइते भएका बस चालक वीरेन्द्र बोहरालाई उपचारका लागि धनगढी पठाइएको छ भने अन्यको डडेल्धुरा अस्पतालमा उपचार भइरहेको प्रहरीले जनाएको छ ।
दुर्घटनामा छानविन भइरहेको बताउँदै प्रहरीले राति चालक निदाएकाले दुर्घटना भएको अनुमान गरेको छ ।
