अनलाइन डबली
काठमाडौँ । नेपाल प्रहरीले काठमाण्डौ उपत्यकामा आज दुई वटा बस निःशुल्क सञ्चालन गरेको छ । दशैँ मनाउन सार्वजनिक गाडीका चालक र सहचालक पनि आफ्नो घर जाने, गाडी पनि कम चल्ने भएकाले सर्वसाधारणको आवतजावतका लागि केही सुविधा पुगोस् भन्ने उदेश्यले हरेक बर्ष निःशुल्क बस सेवा सञ्चालन गर्दै आएको हो ।
निःशुल्क सञ्चालन गरिएका यी बस टीकाको मुख्य दिन र भोलि पनि निरन्तर सेवा दिने छन् ।
नेपाल प्रहरीका केन्द्रीय प्रवक्ता एवम् प्रहारी नायब महानिरीक्षक दानबहादुर कार्कीले जानकारी दिए अनुसार एउटा बसले रिङरोड भित्रका सर्वसाधारणलाई र अर्को बसले रिङरोड बाहिरका सर्वसाधारणलाई सेवा दिनेछ । निःशुल्क बस सेवाको एक नम्बर रुटले प्रहरी प्रधान कार्यालय नक्सालबाट छुटेर, बालुवाटार, टिचिङ, चक्रपथ, नयाँ बसपार्क, बालाजु, स्वयम्भू, कलङ्की, बल्खु, सातदोबाटो, लगनखेल, जावलाखेल, थापाथली, माइतीघर, पुतलीसडक र जयनेपाल हल पुगी त्यहिँ रुटबाट नक्सालसम्म फिर्ता हुनेछ ।
त्यसैगरी, अर्को दुई नम्बरको रुटमा नक्सालबाट छुटेर रातोपुल, गौशाला, एयरपोर्ट, कोटेश्वर, ठिमी, सल्लाघारी, सूर्यविनायक, चाबहिल, सुकेधारा, चक्रपथ, टिचिङ, बालुवाटार हुँदै फेरि प्रहरी प्रधान कार्यालय नक्साल आइपुग्नेछ । यी बस बिहान साढे ८ बजे र दिउँसो चार बजे गरी दुई सिफ्ट चल्नेछन् ।
यस्तो छ नि शुल्क बस सेवाको रुट तालिका –
