अनलाइन डबली
काठमाडौं । बाढी–पहिरो पीडितको उद्दार र राहत वितरणमा सरकारले सरकारले पहल लिन सकेको छैन । प्रधानमन्त्री केपी शर्मा ओलीले बाढी पहिरोबाट यो स्तरको क्षति होला भन्ने कल्पना नगरेको र तयारी नपुगेको बताएका थिए । तर, यति ठूलो जनधनको क्षति हुँदा पनि सरकारले अभियान्ताहरुको जतिको पनि पहल लिन सकेको छैन ।
राजधानी काठमाडौँ उपत्यका पीडितहरुले नै एकछान खाना र पालमुनी बस्न पाएका छैनन् । दशैंको लागि घर हिडेकाहरु बाटोमै अलपत्र परेका छन् । सडक मर्मत तथा पहिरो पन्छाउने कार्यमा सरकारले पहल नलिएका कारण दर्जनो ठाउँमा सामान्य पहिरोकै कारण यात्रु अलपत्र परेका हुन् ।
प्रमुख प्रतिपक्ष दलका नेता समेत रहेका नेकपा माओवादी केन्द्रका अध्यक्ष प्रचण्डले काठमाडौँ, ललितपुर, भक्तपुर, काभ्रेलगायतका प्रभावित क्षेत्रमा पुगेर पीडितसँग साक्षात्कार गरिरहेका छन् । तर, सरकारी प्रतिनिधि तथा मन्त्रीहरु औपचारिकता पूरा गर्न नै व्यस्त छन् ।
संयुक्त राष्ट्र संघको कार्यक्रममा फर्केपछि प्रधानमन्त्री ओलीले बाढी पहिरोबारे दिएको अभिव्यक्तिबाट पीडित आक्रोसित बनेका छन् । प्रधानमन्त्री नेपाल फर्केपछि उद्दार, राहत र पुर्नस्थापनामा सरकारले पहल लिने अपेक्षा गरिएको थियो । तर, अहिलेसम्म सरकारको पहल फितलो देखिएको पीडितहरुको गुनासो छ ।
यसैबीच बाढीपहिरोमा परी हालसम्म दुई सय ३९ जनाको मृत्यु भएको छ भने १८ जना अझै बेपत्ता छन् ।
गृह मन्त्रालयका अनुसार १७८ जना घाइते भएका छन् । त्यस्तै, हालसम्म बाढीपहिरो प्रभावित क्षेत्रबाट १७ हजार एक सय २० जनाको उद्दार गरिएको छ । यसमा पनि सरकार भन्दा पनि प्रमुख प्रतिपक्ष माओवादी केन्द्र र अन्य पार्टी तथा अभियान्ताहरुको भूमिका बाढी रहेको छ ।
