काठमाडौं । विवादित मेडिकल व्यवसायी दुर्गा प्रसाईंलाई प्रहरीले पक्राउ गरेको छ । प्रहरीले आइतबार दिउँसो भक्तपुरबाट प्रसाईंलाई पक्राउ गरेको हो ।

प्रसाईँलाई प्रक्राउ गर्न साइबर ब्यूरोबाट खटिएको टोलीले जिल्ला प्रहरी परिसर भक्तपुरको सहयोगमा प्रसाईंलाई पक्राउ गरेको हो ।

साइबर ब्यूरोका प्रमुख डीआईजी नवीन्द अर्यालका अनुसार विद्युतीय कारोबार ऐन अन्तर्गत प्रसाईँविरुद्ध पक्राउ पूर्जी जारी भएको थियो ।
प्रक्राउ गर्न भक्तपुरको मध्यपुर थिमी नगरपालिका–६ कमेरोटारमा रहेको प्रसाईँको घरमै प्रहरी पुगेको थियो । गेट नखोलेपछि प्रहरी कम्पाण्ड नाघेर भित्र पसेको थियो ।

जिल्ला अदालत, काठमाडौंले प्रसाईंलाई पक्राउ गरेर अनुसन्धान गर्न प्रहरीलाई अनुमति दिएको थियो ।